Thu, 15 Nov 2018
32
Manila

SIQUIJOR, Oct. 11 (PIA)--Gipasigarbo sa Malacanang ang labing ulahing balita kalabot sa paglambo sa turismo sa Pilipinas diin naka-angkon kini ug taas nga ranggo sa gipahigayon nga World Travel and Tourism Council kun WTTC.

Sa gipahigayong press briefing sa palasyo, mapasigarbohong gibalita sa tigpamaba sa presidente, Harry Roque Jr., nga sa 189 ka nasud, nakab-ot sa Pilipinas ang ika-15 nga ranggo sa Travel and Tourism Countries Power Ranking ug ika-13 nga ranggo usab sa Travel and Tourism Countries Performance Ranking.

Matod pa ni Roque nga nakakuha ang Pilipinas ug 19.75 sa power ranking nga gibase sa absolute growth.

Samtang 30.0 ang nakuha sa nasud sa performance ranking nga gibase usab sa compound annual growth.

Dugang pa niya nga ang maong mga ranggo naglakip sa upat ka mga labing mahinungdanong tima-ilhan sa kahimtang sa nasud sa Travel and Tourism.

Mao kini ang Travel and Tourism Total GDP kun gross domestic product, Travel and Tourism Capital Investment, foreign visitor spending kun ang gasto sa mga langyaw nga nibisita sa nasud, ug domestic spending kun ang gasto sa mga lokal nga turista.

Ang WTTC usa ka kalibutanon'g hugpong nga naglihok paghatag ug kaamgohan sa Travel and Tourism isip usa sa labing dakong industriya sa kalibutan. (rac/PIA7-Siquijor/Mary Jane Banglos/GIP/PIA-Siquijor intern)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!