Sun, 25 Aug 2019

PNP Aklan, COMELEC magapamuno sa 'Unity Walk'

PIA
11 Jan 2019, 19:38 GMT+10

KALIBO, Aklan, Enero 11 (PIA) -- Ro Aklan Police Provincial Office (APPO), sa pakipagbuligan sa Commission on Elections (COMELEC), Armed Forces of the Philippines (AFP), Department of Interior and Local Government (DILG) ag Parish Pastoral Council for Responsible Voting (PPCRV) hay magahiwat it "Unity Walk and Peace Covenant Signing" para sa Secured and Fair Elections (SAFE) 2019 sa adlaw nga Domiggo, Enero 13 sa banwa it Kalibo.

Ginhambae ni APPO Provincial Director PSSupt. Lope M. Manlapaz nga tuyo it aktibidad nga ipakita ro importansya it eleksyon sa Mayo 2019 ag ipahisayud man ro pag umpisa it "election period."

Gindugang pa gid ni PSSupt. Manlapaz nga ro "Unity Walk ag Peace Covenant Signing: hay kaparte it adbokasiya agud makasayud rong tanan ag pangayuon man ro bulig it Makaako para sa euwas nga eleksyon sa maabot nga Mayo.

Ro pagtikang, nga pagatambungan it mga pinuno, empleyado ag katapu it mga ahensya it gobyerno, mga relihiyoso nga grupo, akademya, mga estudyante, ag mga Non-Government Organizations (NGOs), hay maga umpisa sa Magsaysay Park sa alas 6:35 it agahon ag paadto sa St. John the Baptist Cathedral, Kalibo.

Antes sa pagtikang, may matag-od nga programa nga pagahiwaton sa Magsaysay Park kon siin si DILG-Aklan Provincial Director Roy Delfino ro magapang-abi-abi sa mga partisipantes samtang sanda man hay hingaeanan ni COMELEC-Kalibo Election Officer Atty. Rommel Benliro.

Si Atty. Elizabeth D. Doronila, COMELEC-Aklan Provincial Election Supervisor ro magapaathag kon ham-an ginahimo ro aktibidad samtang may mga "ecumenical prayers" man nga iga "offer" ro sari-saring pinuno it mga relihiyosong grupo sa Aklan.

Sa pag-abot it grupo sa simbahan, may misa nga papgahiwaton ag pagasundan ra it Peace Covenant Signing.

Ro magapartisipar sa Peace Covenant Signing hay rong mga aspirante sa mga posisyon it Representante sa daywang ka distrito it Aklan, sa Gobernador, Bise Gobernador, Sangguniang Panlalawigan (SP) sa daywang distrito, ag mga aspirante it mga posisyon sa banwang Kalibo.

Ro "election period" sa eleksyon sa Mayo hay maga umpisa sa Enero 13 ag magatapos sa Hunyo 12, kon siin may gintaeana man nga ginabawae nga mga bueuhaton ro COMELEC. (JBG/VGV/PIA6 Aklan)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!