Sun, 21 Jul 2019

Hiligaynon News: NFA nagpasalig sang bastante nga suplay sang bugas

Philippine Information Agency
25 Jun 2019, 18:38 GMT+10

SYUDAD SANG ROXAS, Capiz, Hunyo 25 (PIA) - Ginpasalig sang National Food Authority (NFA) nga may bastante nga suplay sang bugas para sa probinsya sang Capiz sining tion sang tig-guluton.

Ginpahayag ni Capiz NFA information officer Mary Christie Hari-on nga bastante ang ila pundo nga bugas para igabaligya sa mga konsumidor pinaagi sa ila mga accredited nga rice retailers.

Suno kay Hari-on nga ang pagbaligya sang bugas nga NFA diri sa probinsya sang Capiz ang tubtob lamang sa Agosto sini nga tuig.

Ini suno, sa iya, matapos nga ang Capiz ang wala malakip sa 40 ka mga probinsya nga nga may mataas nga kaso sang kaimulon.

Suno pa kay Hari-on, nga sa gihapon ang bugas sang NFA ang ginabaligya sa tag P27 kada kilo sa ila mga credited rice outlets, samtang tag P37 naman kada kilo sini ang presyo para sa mga ahensya sang gobyerno nga nagabakal subong sang mga local nga mga pamunuan, lakip na Department of Education, Department of Social Welfare and Development, local nga Disaster Risk Reduction and Management Office, Philippine Red Cross, kag iban pa nga mga pribado nga kombuyahan.

Sa pag-apruba na sang Republic Act 11203, ang NFA ang nakatutok na lamang sa pagpamakal sang humay para igahanda sa tion sang kalamidad kag emerhensya. (JBG/PIA6-Capiz)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!