Sat, 24 Aug 2019

Cebuano News: PHIVOLCS-DOST milusad og bag-ong app nga HazardHunterPH

Philippine Information Agency
19 Jul 2019, 18:38 GMT+10

TAGBILARAN CITY, July 17 (PIA)--Pormal nang gilusad sa Philippine Institute of Volcanology and Seismology-Department of Science and Technology (PHIVOLCS-DOST) ang usa ka bag-ong application nga makatabang aron mahimong andam ang katawhan sa linog ug uban pang kalamidad.

Gidungan ang paglusad sa HazardHunterPH sa ika-29 nga anibersaryo sa 7.8 magnitude nga linog nga nitay-og sa Northern Luzon niadtong tuig 1990.

Gipasabot ni PHIVOLCS Director Renato Solidum nga ang HazardHunterPH usa ka one stop application diin pinaagi lamang sa pag-click, makita na sa publiko ang hazard assessment sa lugar diin sila nagpuyo.

Pinaagi sa pag-click, dili lamang mapa sa mga fault line ang makita sa maong app apan bisan mga building sama sa mga eskwelahan, ospital ug uban pa ang makita nga mahimong maapektuhan kun adunay mahitabong linog.

Masaligon ang DOST nga dakong tabang ang gilusad nilang HazardHunterPH aron makapangandam ang katawhan batok sa kalamidad ug makalikay sa disgrasya.

Tungod niini, nanawagan ang DOST sa publiko ilabi na kadtong mga nagpuyo duol sa mga fault lines, mga bulkan ug kadagatan sa pag-download sa maong application aron mahimong andam.

Ang HazardHunterPH produkto sa GeoRiskPH, usa ka multi-agency initiative nga gipangunahan sa PHIVOLCS-DOST ug gi-pondohan sa DOST.

Alang sa dugang kasayoran ug pagsulay niining bag-ong application, bisitaha lamang ang https://hazardhunter.georisk.gov.ph. (ecb/PIA7-Bohol)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!