Sun, 22 Sep 2019

Cebuano News: Community Service Act, gilagdaan na ni Duterte

Philippine Information Agency
20 Aug 2019, 16:38 GMT+10

TAGBILARAN CITY, Bohol, Aug. 14 (PIA)--Gilagdaan na ni Presidente Rodrigo Duterte ang usa ka balaod nga dili na kinahanglang mabilanggo pa ang kinsa mang makalapas og minor offenses, segun pa sa mga taho.

Ubos sa Republic Act No. 11362 o Community Service Act nga gilagdaan sa Presidente niadto lamang Agosto 8, gitugutan na ang mga korte nga himuong community service lang ang silot nga arresto menor o pagkabilanggo og usa ka adlaw hangtod 30 ka adlaw ug arresto mayor o pagkabilanggo nga mahimong moabot og hangtod unom ka buwan.

Kasagarang mapahamtangan og silot nga arresto menor ug arresto mayor ang mga makonsiderar nga light offenses sama sa alarm ug scandal, malicious mischief o ang tuyo nga pagguba sa gamit sa uban, paggubot sa usa ka religious activity ug uban pa.

Base sa bag-ong balaod, angay ipahigayon ang community service sa lugar diin gihimo ang krimen ug ang korte ang maoy motumbok sa gitas-on sa community service depende sa gibug-aton sa sala.

Kinahanglan usab ipaubos ang nakasala sa rehabilitative counseling nga pangunahan sa social welfare and development officer sa lugar nga nasakopan niini.

Apan sa dili pa tugotan .ang community service, angay i-konsiderar sa korte ang komunidad ug ang posibilidad nga mopaule ug balik ang usa ka nakasala.

Nahisulod usab sa bag-ong balaod nga kun mogawas sa terms sa community service ang usa ka defendant, may gahom pa gihapon ang korte nga imando og balik ang pagka-aresto sa nakasala.

Gimanduan ang Department of Justice (DOJ) ug ang Department of Social Welfare and Development (DSWD) sa pagmugna og implementing rules and regulations, 90 ka adlaw human ang effective date sa balaod. (ecb/PIA7-Bohol)

Sign up for Philippines News

a daily newsletter full of things to discuss over drinks.and the great thing is that it's on the house!