Sun, 22 Sep 2019

Cebuano News: Dgte City mihakot ug 'regional nutrition awards'

Philippine Information Agency
23 Aug 2019, 16:38 GMT+10

DUMAGUETE CITY, Agosto 19 (PIA)-Mihakot og mga pasidungog sa nutrisyon ang dakbayan sa Dumaguete ug laing upat ka barangay bag-ohay lang gikan sa Department of Health (DOH) Center for Health Development sa Central Visayas.

Kini sa ilang malamposong pag implementar sa mga programa ug serbisyo alang sa maayong panglawas ug pagpatuman sa "physical wellness" sa mga kabataan aron malikayan ang malnutrisyon.

Gipangunahan ni City Mayor Antonio Remollo, chairman sa City Nutrition Committee ang bahan nga mitambong sa awarding ceremonies.

Ang City Nutrition Committee nakakuha sa Best in Governance and Organizational Structure pinaagi sa makusganong pagpatuman sa "LGU based" nutrition program base sa gihimong regional evaluation.

Samtang si City Nutrition Officer Lourdes Taburaza mipahibalo nga tulo (3) ka barangay pinangulohan sa mga punong barangays ang midawat ug pasidungog isip mga 2019 Outstanding Barangays for " garnering excellent scores" sa gihimong regional nutrition evaluation.

Ang tulo (3) ka barangays mao ang Cadawoninan sa pagpangulo ni Punong Barangay (PB) Jimmy Tabada nga naka kuha sa rating nga 94.85%, ug kini gisundan sa Barangay Bantayan ubos ni PB Nerio Grapa nga miani sa rating nga 94.25%.

Ang ikatulo mao ang Barangay 8 pinangulohan ni PB Maelyne Rose Mariano nga nakakuha sa rating nga 93.25%.

Laing gipasidunggan isip Outstanding Barangay Nutrition Scholar ug 2nd runner up sa Regional Outstanding Barangay Nutrition Scholar Award mao si Marie Tubana gikan sa Barangay Junob.

Ang mga awardees midawat sa ilang "plaque of recognition" sa gipahigayong 2019 Grand Nutrition Awards didto sa Bai Hotel sa Mandaue City, Cebu karong bag-o lang (lpp/PIA7/Negros Oriental)

Sign up for Philippines News

a daily newsletter full of things to discuss over drinks.and the great thing is that it's on the house!