Sun, 22 Sep 2019

Cebuano News: Dgte athletes nakadawat og 'cash incentives'

Philippine Information Agency
24 Aug 2019, 18:38 GMT+10

DUMAGUETE CITY, Agosto 20 (PIA)-Nakadawat og ganti pahalipay ang mga giila'ng outstanding athletes ug coaches sa dakbayan sa Dumaguete nga mihakot ug medalya ug dungog sa syudad sa bag-o lang gipahigayong Central Visayas Athletics Association Meet (CVIRAA).

Kinatibuk-an nga P503,500,00 ang cash incentives ang gitunol sa mga opisyales sa syudad pinangulohan ni Mayor Felipe Antonio Remollo sa gipahigayong "simple rites" didto sa Dumaguete City Session Hall.

Si Dr. Evangel Luminarias, City Schools Division Superintendent mapasalamaton kang Mayor Remollo sa suporta niini sa sports program sa Department of Education (DepEd) ug sa gihatag nga cash incentives ug uban pang hinabang alang sa mga athletes.

Sa iyang pakigpulong si Mayor Remollo nipasidungog sa City Council sa ilang pag pasar sa appropriation ordinance nga maghatag ug P2,000 para sa gold medal; P1,700 sa silver ug laing P1,500 sa bronze medal sa mga modaug nga magdudula sa football, swimming, volleyball, aero gymnastics, table tennis, taekwondo, arnis, archery, badminton, boxing, chess, bocce, goal ball ug softball.

Ang cash incentives usab nga gitagana sa mga mananaug sa gihimong Palarong Pambansa ipanghatag kung ma kumpleto na ang requirements nga gipangayo.

Ang gold medalist hatagan ug P10,000; silver P8,000 ug P5,000 sa bronze.

Dugang ni Remollo ang cash incentives pahalipay kini sa mga athletes gikan sa city government isip pasidungog sa ilang paningkamot ug paghatag ug dungog alang sa dakbayan sa Dumaguete.

Gibatbat ni Remollo nga pinaagi sa sports makat-on ang kabataan sa "values" sama sa fairness, discipline, obedience, camaraderie ug virtuosity.

Ang amahan sa lungsod mipahibalo usab nga sa umalabot Nobyembre 2020 and Dumaguete City ug provincial government sa Negros Oriental ang gitakdang mo"host" sa himoong ASEAN Schools Games nga salmotan sa 2,500 ka athletes gikan sa Thailand, Vietnam, Malaysia, Mynamar, East Timor, Cambodia,Brunei Darussalam, Laos, Philippines, Singapore ug Indonesia.

Ang Philippine Sports Commission ug Department of Education migahin na sa kantidad nga P300 million alang sa himoong improvement sa sports facilities sa probinsya lakip na ang budget alang sa pagkaon ug puy-anan sa mga athletes. (lpp/PIA7/Negros Oriental)

Sign up for Philippines News

a daily newsletter full of things to discuss over drinks.and the great thing is that it's on the house!