Wed, 08 Jul 2020

Cebuano News: 5 ka eskwelahan alang OJT aprobado

Philippine Information Agency
21 Feb 2020, 16:38 GMT+10

DAKBAYAN SA BUTUAN, Pebrero 21 -- Andam na ang lokal nga panggamhanan sa Agusan del Norte alang sa On-the-Job Training (OJT) tali sa lima ka eswelahan human naaprobahan sa SP ang Sanggunian Resolution No. 76, 77, 78, 79 ug 80-2020 nga nagtugot niini.

Ubos sa maong kasabotan himoon ang On-the-Job-Training, nagdepende sa kinahanglanon nga oras sa work immersion ubos sa DepEd SHS curriculum.

Tumong sa maong training nga maexpose sila sa aktwal nga trabaho isip pagpangandam kanila sa ilang paggradwar diin ang ilang makat-onan ilang magamit sa ilang pagpanarbaho.

Unod sa kasabotan nga ang estudayante sa lima ka eskwelahan mag-OJT ug work immersion sa lainlaing mga opisina sa kagamhanan sa lalawigan ug gamiton ang pasilidad niini.

Ang nasangpit nga eskwelahan mao ang mosunod: Pareja Integrated Secondary School sa Butuan City, Surigao Del Sur State University-Tagbina Campus sa Surigao Del Sur, Kinamlutan National High School sa Butuan City, Gamut National High school sa Barobo Surigao Del Sur, ug Butuan City Colleges sa Butuan City.

Base sa rekomendasyon sa SP Committee on Education and Culture diin tsirman si Provincial Board Member Rodulfo A. Pitogo, gihatagan ug otoridad sa Sangguniang Panlalawigan si Gob. Dale B. Corvera aron sa pagpirma sa kasabotan. (LGU Agusan del Norte/PIA Agusan del Norte)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!