Sat, 30 May 2020

Cebuano News: EO sa travel restrictions may pipila'ng wa'y apil

Philippine Information Agency
27 Mar 2020, 17:38 GMT+10

TAGBILARAN CITY, Bohol, March 24 (PIA) -- Sa gimandu nga wala nay makasulod gawas sa Bohol human gipailawom kini sa community quarantine ug sa pag-inat sa lima ka adlaw nga pagpanarangka sa pultahan sa lalawigan, wala na ba gayu'y gitugotan nga makasulod?

Duna pa.

Kinsa man?

WAY APIL. Dili labut sa travel restrictions pasulod sa Bohol ang mga kargamento ilabi na kon pagkaon ug nag-una nga panginahanglan, segun pa sa mandu. Hinuon, ang driver sa mga delivery trucks ug pahinante, dili makagawasgawas bisan pag hing agi na sa protocols sa kwarantinas. (rahchiu/PIA-7/Bohol)

Segun sa Executive Order No. 8-A, nga nag-usab pinaagi sa paglangkob sa pipila ka probisyones sa mandu nga gilagdaan ni Gobernador Arthur Yap aron pugngan nga makasulod dinhi sa Bohol ang gikaintapan nga coronavirus disease (COVID) may pipila ka pudyot sa katawhan nga dili mahi-apil sa pagdili sa pagbyahe.

Sila mao ang mga health workers, ilabi na kon nagresponde sa kasamtangan nga katalagman, mga gitugotan nga opisyales sa kagamhanan, ug sila nga mga nagtanyag sa nag-unang serbisyo ug nagpadagan sa pangpubliko nga utilities sama sa panuga ug panubig.

Matud usab sa Executive Order 8-A, lakip nga dili isakop sa travel restrictions ang mga opisyales ug mga taga bangko, kinsa kinahanglang motabok nganhi sa lalawigan aron magdugang sa cash funds ug ubang mga kagamitan sa mga banko ug panalapi aron ipaneguro ang walay bugto nga serbisyo sa mga nagkadaiyang bangko ngadto sa ilang mga depositor ug sa kinatibuk-an nga panginahanglan sa publiko.

Kahinumduman nga ang nahauna nga Executive Order 8, nagdeklara sa 5 ka adlaw nga pagpangandam ug pagpatuman sa nga lakang aron tubagon ang nagkalapad nga hulga sa COVID-19 sa lalawigan sa Bohol.

Hugot nga pagpugong sa pagpasulod sa Bohol sa mga tawo, ang pagdili nagsugod niadtong Lunes, Marso 16 ug mohupas na unta pagka Biyernes, Marso 20.

Apan sa mas lapad nga panginahanglan nga i-uswag pa ang pagpugong sa mga byahe aron walay tawo nga mahimong nagdala na sa kagaw ang makasulod ug makapanakod dinhi sa Bohol, gideklara ni Gob Yap pinaagi sa Executive Order No. 14 ang uswag sa pagsuspenso sa pagbyahe paingon sa Bohol, ngadto na sa Abril 12.

Dungan niini, napa-uswag ug napa-hugot usab ang mga lakang nga did-an gyud ang kagaw nga makapanakod, kon ugaing, may nakasulod man dinhi sa Bohol.

Subay niini, nagkadaghan ang mga tawo nga mingsuway og hikoy aron makasulod sa Bohol ang nadakpan sa mga tinugyanan sa Philippine Coast Guard ug local nga mga opisyales.

Ug kay gitahasan na ang mga local nga otoridad sa pagpatuman niini nga mga mandu, mahimong sila na usab ang mabasul kon wala sila makapugong sa paglatagaw sa ilang mga konstituwente. (rahc/PIA-7/Bohol)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!