Tue, 26 May 2020

Cebuano news: PUI sa BARMM mi-ubos ngadto sa 61 porsyento

Philippine Information Agency
09 Apr 2020, 20:38 GMT+10

MARAWI CITY, Abril 9 (PIA)- Mikunhod na ngadto sa 61 porsyento ang ihap sa Persons Under Investigation (PUI) tungod sa Coronavirus Disease 2019 kon COVID-19 sa Bangsamoro Autonomous Region in Muslim Mindanao (BARMM).

Ang Anti-COVID-19 Inter-Agency Task Force (IATF) sa BARMM nagpahibalo niadtong Martes, Abril 7, nga sulod sa 254 nga mga kaso sa PUI sa BARMM, 100 lang ka mga PUI ang nagpaabot pa sa resulta. Sa total naay 136 ang naka kumpleto sa home quarantine ug 16 ang naka-recover ug nakagawas na sa hospital.

"Sa atong data ang curve nato nipaubos na, apan ang sa ilang giingon nga mo flat na, dili pa mag-flatten tungod kay naa pay nabilin nga mga PUIs ug mga PUM," kini ang pahayag ni IATF Co-Chair ug Health Minister sa BARMM nga si Dr. Saffrullah Dipatuan.

Sa tibuok rehiyon, walo ka tawo ang nag positibo sa giingon nga virus. Tulo (3) niini ang namatay ug tulo ang naayo; samtang ang duha nga nagpadayon nga mga kaso, gikan sa lungsod sa Datu Odin Sinsuat sa Maguindanao ug Marawi City.

Giklaro ni Dipatuan nga gikan sa 7,785 nga total nga ihap sa Persons Under Monitoring (PUMs), 2,168 ang gipailawom gihapon sa istriktong pag-home quarantine.

Niadtong Abril 6, ang BARMM naka-rekord ug usa ka bag-ong positibo nga kaso. Kini siya usa ka 54-anyos nga lalaki gikan sa Datu Odin Sinsuat, Maguindanao nga karon gipailawom sa istriktong home quarantine.

Gipasalig usab ni Dipatuan nga 'properly oriented' ang mga health workers kon mga trabahante sa Ministry of Health ug nasayod sila sa ilang responsibilidad kalabot sa 'contac- tracing' ug uban pang mga aksyon batok sa pagpugong sa pagtakod sa virus nga hinungdan karon sa epidemya sa tibuok kalibutan.

Ang Bangsamoro-IATF sa pagkakaron nagplano paghimo ug usa ka 'contingency plan' aron mapangandaman kung pananglit mo-abot ang labing grabe nga kaso sa COVID-19.

Si BARMM Cabinet Secretary ug IATF Spokesperson Mohammad Asnin Pendatun miingon, "kami nagla-um nga dili kini mahitabo pero alang sa 'proactive approach' nga pamaagi sa task force, nagahimo kami ug contingency plan."

"Ang rason niini mao nga mahatag gyod ang panginahanglan sa Bangsamoro kung pananglit mo-abot kita sa mas lisod nga sitwasyon. Sa tinuod, ang pipila nga nakabutang sa plano sa 'contingency' ato nang nasugdan," dugang ni Pendatun. (ZDJ/PIA-ICIC)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!