Tue, 07 Jul 2020

Cebuano News: Pulis sa MisOcc nasikop tungod sa ilegal nga droga

Philippine Information Agency
02 Jun 2020, 18:38 GMT+10

TANGUB CITY, Misamis Occidental, Jun. 2 (PIA)--Sikop sa hiniusang pwersa sa Philippine Drug Enforcement Agency (PDEA)-10 ug Tangub Philippine National Police (PNP) ang usa ka pulis atol sa gihimo niini nga pagpang-ronda sa iyang panimalay sa Barangay Labuyo sa dakbayan sa Tangub alas 9:00 sa gabii, Mayo 31.

Gipahayag ni PDEA-10 Agent Benjamin Recytez nga pinasubay sa search warrant TC-2020-007 nga gipagawas ni Executive Judge Sylvia Machacon malampuson nga nasikop ang usa ka Police Staff Sergeant Manuel Angcap sakop sa Aloran Municipal Police Station human mihimo sa pag-ronda ang ilang team.

Ang nakuha sa kwarto niini mokabat 25 gramos sa gituohang shabu nga gibana-banang nagkantidad ug P165 ka libo, nakuha usab niini ang iyang service arms mga bala ug shabu paraphernalia.

Dugang pa ni Recytez nga nahilakip si Angcap sa ilang drug personality target list ug taud-taod na nilang gipanid-an ang lihok niini.

Gipanghimakak usab ni Angcap nga iya ang nakuha nga mga ebedensiya.

Gikakurat usab ni Labuyo Barangay Chair Jonathan Labares ang maong hitabo sanglit matud pa niini nga wala siya magdahom nga nahilakip diay kini sa target list sa PDEA.

Mag-atubang ug kasong pagsupak sa RA 9165 kon Dangerous Drugs Act si Angcap.(Tangub PIO/PIA10)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!