Sun, 25 Oct 2020

Cebuano News: Hulyo 17 matag tuig gideklarang National Physiatry Day

Philippine Information Agency
18 Sep 2020, 10:38 GMT+10

TAGBILARAN CITY, Sept. 16 (PIA) -- Gideklarar ni Presidente Rodrigo Duterte ang Hulyo 17 matag tuig isip National Physiatry Day.

Sa gilagdaang Proclamation No. 1017 niadtong Setyembre 10, nakalatid nga ang musculoskeletal conditions ang "second largest contributor" nga nakaingon sa disability sa usa ka tawo sa tibuok kalibotan.

Tungod sa nagkadaghang mga pasyente nga nanginahanglan og rehabilitasyon sa nasod, giingong angay hingosgan ang suporta kanila pinaagi sa paghatag og baratong tambal ug rehabilitasyon.

"Given the growing number of patients with rehabilitation needs in the country, there is a need to strengthen support in providing access and affordable medication and rehabilitation to them by raising awareness and encouraging collaboration among relevant stakeholders," matud pa ni Duterte.

Gitahasan sa Presidente ang Department of Health (DOH) nga pangunahan ang pagsaulog sa National Physiatry Day ug maghimo og mga programa, proyekto, ug aktibidad alang sa tinuig nga pagsaulog niini.

Giila isip Physical Medicine and Rehabilitation, ang Physiatry usa ka sanga sa Medisina nga nagtinguhang malikayan ang pagkawala sa abilidad sa lawas nga adunay physical impairments apil ang musculoskeletal, neurological, cardiovascular, pulmonary, ug uban pang mga system disorder.

Gi-awhag sa Presidente ang uban pang ahensya sa gobyerno ug local government units sa pag-promotar sa mga programa alang sa pagtimaan sa National Physiatry Day. (ecb/PIA7-Bohol)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!