Tue, 02 Mar 2021

Cebuano News: 'Genomic surveillance' sa Pilipinas nagmalampuson

Philippine Information Agency
15 Jan 2021, 17:38 GMT+10

TAGBILARAN CITY, Bohol, Jan. 14 (PIA) -- Wala gihapon makalusot sa hugot nga pagbantay nga dili makapanakod sa nasud ang namatikdang bag-ong matang sa coronavirus disease, kini tungod sa koordinasyon ag pagtambayayongay sa mga ahensya nga nasangunan sa gimbuhaton subay niini.

IPADAYON ANG MAAYONG BANSAY. Samtang nagmalampuson ang genomic surveillance sa nasud subay sa pagkasahid sa COVID variant nga gikan sa Dubai, aghat sa mga tinugyanan sa kasanihan ngadto sa mga Pinoy nga nia dinhi sa nasud: ipadayon ang maayong bansay sa luwas nga paggawas sa balay, sama sa aghat sa usa ka tawo didto sa mensahe sa iyang jersey sa Inabanga Bohol. (rahc/PIA-7/Bohol)

Bisan pa kon ang gigikanan sa usa ka pasahero nga misulod sa Pilipinas wala sa mga nasud nga gidid-an pa sa pagpasulod taman Enero 15, nasahid pa gihapon ang kaso sa usa ka pasyente nga misulod sa Pilipinas gikan sa Dubai sa United Arab Emirates, kini segun pa sa Department of Health (DOH).

Genomic surveillance is working [Mitrabaho gayud ang genomic surveillance] bungat pa ni Dr. Edsel Salvana, usa ka consultant sa DOH kabahin sa infectious diseases.

Sa usa ka personal nga pahayag sa iyang facebook account, matud ni Salvana nga "The Philippine Genome Center (PGC) along with DOH, RITM and UP-NIH detected the first reported UK variant in a Filipino who arrived from Dubai last January 7 (Ang Philippine Genomic Center uban sa DOH, Research Institute for Tropical Medicine (RITM), ug ang University of the Philippine National Institute for Health (UP-NIH) una nga nakasahid sa gikataho na nga UK variant sa COVID nga nadala sa us aka Pinoy, kinsa miabut sa nasud gikan sa Dubai niadtong Enero 7, 2021)."

Dason pa ni Dr. Salvana, ang Dubai wala maapil sa mga nasud ug mga lugar diin may gikataho nga kaso sa UK variant sa COVID, apan ato pa gihapon kini nga nasahid, salamat sa One-Stop-Testing Center, sa DOH Epidimiology Bureau, sa PGC ug sa daghanan nato nga mga kaubanan.

Segun pa ni Salvana, ang pasyente karon gilaming ug gilain na sukad sa pagkasayud sa mga tinugyanan kabahin sa iyang kahimtang, samtang gipasugdan dayon ang contact tracing.

Sa pasiuna nga pahibalo, matud sa DOH nga wala'y bisan usa sa kapin sa 500 ka mga samples nga gi-analisar sa PGC ang nagpakita sa variant mao nga matud nila, wala usab ebidensya sa pagtakod niini sa komunidad niining panahona.

Sa nagpanghitabo, matud sa tigtambag sa DOH, kini nagpakita an lamang sa panginahanglan sa pagpadayon sa genomic surveillance alang sa tanan nga mosulod sa nasud.

"Mingtrabaho ang atong mga protocols ug angay lang gayud usab kini nga ipadayon ug palig-onon," dugang niya.

Taliwala usab sa mga kabalaka nga gipabati ilabi na sa pagkatap sa mga balita nga pulos lamang pagpadayag sa way basehan nga kahadlok, may tambag ang doctor.

Wala kinahanglan nga patarantar kay sukad pa, aduna na kitay mga kahimanan nga makakontrolar ug makasahid niini nga sakit.

Hinuon, tambag niya, labaw pa sa unahan, angay nato nga dungagan pa ang atong pagbantay samtang hugtan nato ang pagpatuman sa mga lakang sa pagpugong sa pagtakod sa mga sakit.

Kon kining bag-o nga variant tinuod nga may 70% nga mas grabe pang makatakod, angayan lamang usab nga piloon nato ang atong pagpaningkamot nga makapanalipod sa matag usa kanato aron kita luwas gihapon sa sakit, panapos niya sa iyang facebook post. (rahc/PIA-7/Bohol)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!