Tue, 15 Jun 2021

Aklanon News: Mga OFWs nga Aklanon, ginbuligan it OWWA

Philippine Information Agency
11 May 2021, 18:38 GMT+10

KALIBO, Aklan, Mayo 11 (PIA6) -- Nagpanupod it kabilugan nga P600,000.00 nga balor it tseke ro Overseas Workers Welfare Administration (OWWA) sa mga nagakalisod nga Overseas Filipino Workers (OFWs) sa Aklan ag ro andang mga benefisyaryo, ag iba pa gid nga mga resipyente it sari-saring programa it rayang ahensya.

Nagpanguna sa pagpanupod it tseke sa 32 nga mga benefisyaryo sa idaeum it Balik Pinas, Balik Hanapbuhay Program (BPBH), Educational and Livelihood Assistance Program (ELAP), Overseas Development Scholarship Program (ODSP), Welfare Assistance Program (WAP), ag Project Alalay Para sa Mga Anak OFWs sa Panahon ng Pandemya (PAP) sanday OWWA Deputy Administrator Esther Margaux "Mocha" J. Uson ag si Faustino L. Sabarez III kaibahan si OWWA 6 Officer-In-Charge Rizza Joy M. Moldes.

Ginhiwat ro pagpanupod it tseke sa mayor nga lobby it Aklan Provincial Capitol Main Building nga gintambungan man ni Governor Florencio T. Miraflores ag iba pang mga opisyales it probinsya.

Antes ro pagpanupod, ro OWWA 6, paagi kay Moldes, hay nakipag meeting kay Governor Miraflores sa pagpahisayud sa gobernador sa mga programa it OWWA agud mas abu nga mga OFWs ag mga katuwang nga gobyerno lokal sa Western Visayas ro makasayud sa Reintegration Programs and Services nga tuyo nga magbulig sa mga nag ueuli nga OFWs ag sa andang pamilya paagi sa pagtao kanda it pangabuhian ag iba pang makitaan nga mga negosyo.

Ginpasilitar ro pagpanupod it tseke ag ro meeting kaibahan si Governor Miraflores it Aklan Public Employment Service Office (PESO).

Suno kay Vivian Solano, PESO-Aklan manager, ro mga tseke hay ginpreparar para sa 36 nga mga resipyente nga gina kumpunihan it 25 para sa BPBH, 2 para sa ELAP, 1 para sa ODSP, 1 para sa WAP, ag 7 para sa PAP, pero 32 eamang ro nag-abot agud magbuoe it andang tseke.

Suno kay Solano, ro mga owa nakabuoe it tseke sa Aklan hay kinahangean nga mag-adto it personal sa OWWA 6 Regional Office para kara.

Ginsugid ni Solano nga ro mga resipyente sa idaeum it BPBH nga progrma hay nagbaton kada isaea it tig P20,000.00 mageuwas sa daywang bilog nga nagbaton it tig P10,000.00; samtang ro sangka resipyente it ELAP-Education hay nagbaton it P5,000.00; ag sambilog man sa ELAP-Livelihood hay nagbaton it P10,000.00.

Sangka resipyente sa idaeum it ODSP ro nakabaton it tseke nga P10,000.00 samtang sambilog man ro nagbaton it P20,000.00 sa idaeum it WAP-Bereavement.

Sa pihak nga parte, 7 nga mga estudyanteng Aklanon ro nagbaton it tig P20,000.00 sa idaeum it PAP.

Ginpaathag ni Solano nga ro mga benefisyaryo sa idaeum it BPBH nga programa hay rato nga nga OFWs nga owa nakatapos ku andang kontrata ag umuli ag ro iba pa nga napilitan nga mag-uli bangud sa sari-saring mga rason. (JSC/VGV/PIA6 Aklan)

More Philippines News

Access More

Sign up for Philippines News

a daily newsletter full of things to discuss over drinks.and the great thing is that it's on the house!